ADVERTISEMENT

This area is available for advertisement. Please contact for details.

Arnivang
Get Adobe Flash player

Jirhon Hanse aphan oh tekangsi bang 39 atum Congress kachingbe

Den Arong/Dokmoka, Paipai 17: Pini anerlo porphai 11 apor pen Dokmoka along kedo Mahamaya Congress Mondal asaihem along kedeng amai ingni.
KAAC EM barim Bidyasing Rongpi kachepahemphu amai along Pankaj Bora mai kepha alamthe kejai lapen alohi kapachini apor en. Mai along alohisarpo aman pen KADCC rap chunbang Anil Bora chetong dun. Chopha alohi aman pen David Ingti, John Hanse, Phukon Ronghang, Anjuly Lekthepi lapen kaprek-kaprek Congress asongjapo-pi atumta chetong dun.
Congress asong ke pinita do lapen pirthe ruretik anke doverji, athe Congress ke rat asong, nanglitum Congress remdet pu ningchepabi nangne. Congress ke remre BJP si kerem athe latum aninghang aling klemsi Christian, Hindu angbong kapache lang selet seroi, rat atum aphan kelang kapachingbarbe pen chenglok non pini anke Karbi Anglong arat ke-ongdung atum ke aningdokde bomsi Congress along kachevang thu-etji aphansi atovar chiri bomlo pusi KADCC rap chunbang Anil Bora jai.
Pini nanglitum Congress si ahokpet rat aphan kelang kapachetang thek asong pu kamatha thip ajok bang 39 kevang apot nelitum pen kurvangthu nang pajir lo. Jirhon Hanse pu amonit aphan ke nanglitum kado kave ta chini hur lo. Alangli ke Congress amen pen pini anta rat angno nang cheklangklesi neke Youth Congress ameiphu lo pu kachepu chot. Laso ajoksi nanglitumta alangliphan che-oh tekang pen Congress along vang lo. Lasi nanglitum pini kevang an atum penta pini penke klem rappet anang lapen non kevangji MP kilik ahut BJP aphan paremsi Congress pahai dun lonang. Karbi Anglong Congress a ratpangri paman lonang pupen pini Congress along kevang atum aphan kurvangthu pajir.
Pini Congress along nang kachingbe dun bang 39 angbong pen Khorsing Milik ameiphu lapen Longki Ingti sankur chunbang atum jalinsi Congress chingbe dun lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives