Insurance pen tangka kacho-enji aphansi Bakalia Petrol pump along manager, ahemphu atum kivi chenam asai

AK-47 paklang pen tangka kepon atum aphan police karju ahutsi laso alam keklang

BAKALIA, Paipai 17: Bakalia ahithi along kedo S/M Agency Petrol Pump manager Rispal Dhavai, ahemphu Mohendra Kumar pen danglok hadak kachongdat dun atum chingvai cheton sar pen kedamtang Paipai 4 arni arnikangsam porphai 7:30 apor malom Petrol Pump along AK-47 ahele paklang pen tangka pondet pu Bakalia police sation along lamhoi kipi lake Insurance Company atum along pen tangka kacho-enji aphansi lapuson abidi keklem pusi Bakalia police atum katarlip ahut ahokpet alam hong nangklang. Insurence Company atum along pen tangka kacho-enji aphansi lapuson abidi keklem pusi Petrol pump a manager police athengno chekobir pusi pini Bakalia police station OC Kulesh Jyoti Bhuya pachini. Alanglitum lapuson kachomatha asai kangsaiji aphan Bakalia police atum sai dengbomlo.