ADVERTISEMENT

This area is available for advertisement. Please contact for details.

Arnivang
Get Adobe Flash player

Ghonta 24 Manipur kangkir ahut Imphal-Jiribam atovar along gari hum pho meh kaichok

IMPHAL, Paipai 17: Ghonta 24 Manipur kangkir ahut atumi Imphal pen Jiribam  kacheleng atovar Tamenglong alongri arlo gari hum pho meh kaichok.
Bitung kethom Zeliangrong groups atum Thelang aningve jirlo pen ghonta 24 kangkir kepha ahutsi laso alam keklang.
Assam lapen Nagaland kedai lapen Manipur, Tamenglong alongri kedo Zeliangrong community atum aphan kaprek nangthak nangji pu NSCN(IM) atum kehang aphuthak kekhamkhe dunsi kangkir kepha.
Honthe meme kangkir kepha atum Jiribam kedam monit karthang a gari hum ni lapen Imphal kedam hormu karthang a truck hum thom Imphal pen Jiribam kacheleng National Highway 37 atovar Kaiphundai angden meh kaichok.
Zeme, Liangmai lapen Rongmei Naga akhei kedo Zeliangrong asanchom alongsi kangkir kepha. Zeliangrong Baudi, Zeliangrong Youth Front (ZYF) (Assam, Manipur and Nagaland) lapen All Zeliangrong Students’ Union atumsi kangkir kepha.
Paipai 4 arni ZYF pen Zeliangrong student jabang aphan kenep kanghu pon along kacherap dun NSCN (IM) jabang pen song klembang atum aphan ingnang nangji pusi Zeliangrong groups atum kehang.
Kenep kanghu along Zeliad region NSCN (I-M)’s central administrative officer Sangailung Pamei, NSCN (IM) deputy kilonser (minister) Thailik cheparjan Joel Rongmei lapen “captain” Khangdi Kamei atum kacherap dun do pusi kejong.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives