ADVERTISEMENT

This area is available for advertisement. Please contact for details.

Arnivang
Get Adobe Flash player

‘Bharat Ratna’ Atal Bihari Vajpayee aphan arong kethon

New Delhi, Paipai 17: Pini Prime Minister barim Atal Bihari Vajpayee aphan Smriti Sthal along arong kethon kepon ahut kapadusi kelang dunji aphan suri-suri armu cheto dun.
All India Institute of Medical Science along rui serkep keso chelang dam lo seta atumi arnikangsam 5:05 apor ahut achethe ave det lo. Urinary Tract Infection, abarso kekom lapen aning keso ajoksi AIIMS along seh kachelang. Alang rong kachevoi ahut an arta ningkan 93 lo.
Arong kethom ahut asopi Namita Bhattacharya si kejapon. Tricolour pen katalom Atal Bihari Vajpayee glass coffin ke asupi Niharika aphansi hodai lo. Vajpayee aphan rifle salute pen aman pi.
President Ram Nath Kovind, Prime Minister Narendra Modi, former Prime Minister Manmohan Singh, Vice President Venkaiah Naidu, Home Minister Rajnath Singh, BJP president Amit Shah, Defence Minister Nirmala Sitharaman, BJP jabang kehoi L.K. Advani, Congress meiphu Rahul Gandhi, External Affairs Minister Sushma Swaraj lapen kaprek-kaprek jabang atum Vajpayee aphan arong kethon along chetong dun.
Army Chief General Bipin Rawat, Navy Chief Admiral Sunil Lanba lapen Air Chief Marshal Birender Singh Dhanoa atumta Vajpayee aphan chepadi dun.
Pini Vajpayee aphan arong kethom along angtan adet pen Bhutan arecho Jigme Khesar Namgyel Wangchuk, Bangladesh Foreign Minister Abul Hassan Mahmood Ali, Sri Lanka’s acting Foreign Minister Lakshman Kiriella lapen Afghanistan President barim Hamid Karzai atum ta nangchetong dun.
1998 pen 2004 an Vajpayee si National Democratic Alliance (NDA) government jalin lo. Alang helo Bharatiya Janata Party pen kechengsi Prime Minister keman dun long. 2015 aningkan alang Bharat Ratna anong-e ta long dun lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives