26 angdeng ZKYF aphan Nihang Donsuri Zonal Committee mai kangni

Diphu, Paipai 17: Pini porphai 11 apor malom pen Japralangso culture complex along Nihang KCS Donsuri Zonal Committee kangdang amai kangni.
Romesh Singnar kachepahemphu amai along Kangbura Ingti mai kepha alamthe jai.
Kangdang amai along kevangji ingdeng 26 ZKYF kapachunji aphan tirikam amei kesengji aphan arni hot lo. Laso ateng kado kave chedonsar pen non kevangji Paipai 19 arni tirikam keseng amai kangni aphan cherai lo.
Mai along Hunaram Singnar, Hoheswar Tokbi, Kishon Bey, Bura Timung, Hanri Hansepi, Kache Teronpi, Adison Terang, Sing Timung atum pen chenglok jutang kachinghon abangphu atum chetong dun.
Nihang Donsuri Zonal Committee kaparlo angkang man-peng kedo atum rong asar-rup asar lapen kethe-kiding atum 26 angdeng ZKYF mesen ingsamjin pen kapachun thekji aphan tirikam keseng amai along kachetong dunji aphan mai pen choningri pusi KCS Nighang Donsuri Zonal committee pachethang chunbang Bishnu Lekthe birta pachetak.