ADVERTISEMENT

This area is available for advertisement. Please contact for details.

Arnivang
Get Adobe Flash player

PM barim Atal Bihari Vajpayee arong kachevoi aphuthak CM Sonowal ningduk chipi

GUWAHATI, Paipai 16: India Prime Minister barim mate Bharat Ratna Atal Bihari Vajpayee pini arnikangsam porphai pho apor malom arong kachevoijui aphuthak Assam Chief Minister Sarbananda Sonowal ningduk chipisi inut thedung aman kedo abangphu aphan ilitum chepangbolo pusi ningje. Alangli kaningje thuke Prime Minister barim Atal Bihari Vajpayee alangli pirthe achethe kedo ahut Assam mate north-east aphan penang an keklem-kedam pitekang abangphulo. Kedamtang 2002 aningkan Bagibil a dolong kaselamji aphan long-eh kesom pen danglok Numuligarh refinery lapen Naranarayn over bridge nang ingpu pisi alangli isi aphurkimo nangbilo. La anchot ta kali alangli Assam kachesong ahut alangli nanghumrisi bidi sore nangkipi lapen mesen tovar akrong ahin nangkeja aphuthak alangliphan Assam arat chikimo verji. Prime Minister barim Vajpayee alangli America adet pen danglok pirthe adang kaprek-kaprek kangtang kring adet  atum pen India adet beha bepar ahin isi kacheme akrong setame pangtanglo. Detpi kapachingthurji aphan alangli ardi pisi PMGSY mate National Highway Development Project ason thedung-thedung a scheme kedeng abanglo. Lasonsi alangli detpi apharman ongdung asai keklem kedam pitekang lake India arat atum alangliphan chikimo verji lapen phurkimo aphar along alangli amen kaita turbongji pusi Chief Minister Sonowal ningje.    

Leave a Reply

Your email address will not be published. Required fields are marked *

BREAKING NEWS
August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives