ADVERTISEMENT

This area is available for advertisement. Please contact for details.

Arnivang
Get Adobe Flash player

NRC draft list along amen kave ko-an ma district ateng pen report kipiji aphan SC lamtoi kipi

GUWAHATI, Paipai 16: NRC final draft list pangdak det aphi pini supreme court along laso aphuthak adunthu hearing pangnisi ajahak ardi dojot ason supreme court lamtoi pi. Standard Operating Procedure (SOP) modality aphuthaksi pini supreme court along hearing ingnilo. Pini hearing kangni ahut nonhetjong kapangdak NRC final draft list along ko-ansi amen kilut ma lapen ko-ansi amen keklang dunde det ma laso aphuthak district wise ateng pen lamjaimek (Report) kipiji aphansi NRC state coordinator Pratik Hazela aphan supreme court lamtoi pi. Justice Ranjan Gogoi pen Pholi Nariman kangni a bench atum alongtin a district pen kelong a report heihui an parlo pen kapajirji aphansi Pratik Hazela aphan pinkhat. Halapu AASU, AAMSU, Jamiyat lapen Assam Public Works atum aphanta methang-methang aning kehang kamatha alam affidavit ateng pen kevangji Paipai 25 angbong kapajirji aphanta supreme court pinkhat. Justice Ranjan Gogoi pen Pholi Nariman a bench pen kevangji Paipai 28 arni puthot SOP aphuthak hearing dothuji puta pangdak. Pini kangni a bench atum kevangji Paipai 20 arni pen NRC along amen kave atum kachoningri longji aphan form keronji aphanta NRC authority aphan pinkhatsi Paipai 30 arni pen halahai a form kedengji aphan pinkhat. NRC draft list rat atum kelang kejoikeji aphan panchayat mate district asaihem malom kevekji aphanta pinkhat.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives