ADVERTISEMENT

This area is available for advertisement. Please contact for details.

Arnivang
Get Adobe Flash player

Vety. asaikam atum hithi along kejor longhong aok, bi aok keme kaheno lang dun nangji: SYJ-BDC

imageDiphu, Paipai 13: Student’s and Youth for Justice (SYJ) Bokajan District Committe atum pen Veterinary saikam atum amethang asai cheklem vangve pusi akoipi.
Bokajan Sub Division angkang penang ahithi along mate hithi erui pen ephong ahithi along jong dam sinang Balipathar, Bokajan, Hanjanglangso, Hidipi, Dillai, Khatkhati, Japrajan lapen Silonijan heihui adim along Longhong aso lapen a-ok  lapen bi (Hanve) heihui  kejor abeha atum aron aloh choklim penle kejor kali pusi ningje.
Hithi along kejor alonghong a-ok apran mesen pu veterinary asaikam pen satlang (Test Certificate) aloh ave pin aning hang aling jor varet.
Athe non malom kephang-ok ahut ok along ason ason akeso avur do, lahai kachinine pen chosi monit atum ason ason akeso longsi keso kachelang nang do lo.
Lasi lahai kado kave keklem tap long varet lake Veterinary asaikam atumta adai do binong pusi SYJ atum akoipi. Lasi kevangji arni pen lahai aphuthak saikam atum cheroktok pen ahithi along tarlip dunsi amethang asai cheklem nangji puta SYJ hang.
Jongsi Veterinary asaikam atum cheklem kle pulote kevangji arni SYJ atum chingvai chingsai pen rat akerap ensi kachesong asai deng nangkok po puta pherangke athengno chingkrin.
Rat atum SYJ along kacherap kacheto dunji aphan pachini lapen hithi along lahai kachonam ahut lang pame pensi chonam nangji puta SYJ ameiphu Longbamon Rongphar, SYJ CC sikdang chunbang Jemsing Terang, Nobin Terang, Chesong Bey lapen Ongwer Hanse atum than.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives