ADVERTISEMENT

This area is available for advertisement. Please contact for details.

Arnivang
Get Adobe Flash player

Nilip MAC Cup kapathu bom angbong jirpo kapathu

Chokihola doctor atum Heavy Weight -XI aphan paremdet

imageDIPHU, Paipai 13: Chokihola pathu aklam along kapathuvoi Nilip MAC Cup pini friendly match pathu. Labangso friendly math lake Chokihola Medical XI pen Chokihola Heavy Weight XI angbongsi pathu. Apor kehot ateng pen pathu pangchengsi kechengsi angkung (1st half) ahut Chokihola Medical –XI pen Dr. Harsing Rongphar goal isi thaplo. Laso aphi Heavy Weight-XI atumta kachitu dunji aphan penang an bor-ilo setame un-eh detlo. Lasonsi 1st half ahut medical-XI atum goal isi pen haibomlo. Puthot angkung (2nd half) kapathu ahut abanta Dr. Harsing Rongphar goal isi, Dr. Prince Bey goal isi lapen Mensing Rongpi goal isi thapsi pangrum pet goal pli thaplo. Halapu Heavy Weight-XI ahin pen Tenzing Kro goal isi lapen Deewar Tisso goal isi thapsi goal hini ansi kachitu dun un chot ajok Chokihola Medical-XI atum goal 4-2 pen haidetlo. Chokihola Medical-XI captain Styajit Bey alangli goal isita thap un-eh det pusetame alangli abetung (team) atum aphan ning kapathe dun lapen ardi kipidun ajok Chokihola Medical-XI atum aman chekhanglo.
Keso ki-un-eh arat atum aphan se kelang det kali kapathu ahinta penang do pusi pini kelangdun arat atum doctor atum aphan kachoro pajir. Pathu ahut alohi aman pen Nilip VDC chairman Winson Ronghang, Jiren Ingti lapen ongdung aman kedo abangphu bangphi atum chetong dunsi pu pu kapathu abetung atum aphan kachoro lapen kurvangthu pajir. 

Leave a Reply

Your email address will not be published. Required fields are marked *

BREAKING NEWS
August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives