ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong alongri arlo la-an sose kachepangthir thekji aphan SBM-G kangpu

imageDiphu, Paipai 13: Det adang Swachh Bharat Mission-Gramin (SBM-G) kedeng asonsi Karbi Anglong pen West Karbi Anglong arlo rong atok-ano anta ingthirjir nangji pusi pini Council secretariate building ban athengno Karbi Anglong Autonomous Council a CEM Tuliram Ronghang pen PHE a EM Prodip Rongpi atum arideng pen Swachh Survekshan Gramin 2018 ingpu lo.
Swacch Survekshan Gramin -2018 pini ingpu det aphi Paipai 15 arni Independence Day katalon along pachethang dun det aphi Karbi Anglong pen West Karbi Anglong angkang humrisi kachepangthir aphuthak pachethang po.
Laso kapachethang asai pini pen pangchengsi kevangji Paipai 31 arni ansi pajutji. Laso esek Swachh Survekshan Gramin aphuthak Karbi Anglong district hini angkang atok-ano anta palesi pachethang dam po. Laso ahut rat atum kopene karju dunji lapen kapachini dunji do puseta pachini dun longpo pusi PHE Diphu rural division a Executive Engineer Bimal Chandra Sharma than.
La-an chot kali rat alamthe lapen rong kachepangthir heihui kado kave langsi marks piji. Laso ateng det adang angbong marks kelong ke-ongnai atum aphan PM Narendra Modi kevangji Pre 2 Gandhi Jayanti arni award piji puta than.
Laso ahut rong arlo kosonsi kedo-kethak kachepangthir nangji, lang kosonsi kibi nangji lapen kachiti ahem kachepangthir nangji heihui anta langji puta PHE Rural division a EE B. Sharma than.
Kangpu asai along KAAC EM, MAC, Secretary lapen PHE Diphu urban division a EE Bikram Teron anparta kaprek-kaprek man kedo abangphu atum chetong dun.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives