ADVERTISEMENT

This area is available for advertisement. Please contact for details.

Arnivang
Get Adobe Flash player

Gen X Development Society atum pen akejoi seh kelang

imageBorgaon, Paipai 13: Gen X Development Society patirpisi West Karbi Anglong Amguri pen Morigaon District Mokhuli along atumi akejoi pen seh kelang. GEN X Developepment Society ke isi a NGO lapen latum ke North East India angkang atok-ano along kapale pen ok pran lapen kachepangthir aphuthak kethan kapare asaisi kedamtang 2014 aningkan pen klem lo. Laso atengsi NGO atum pini Bhomkuru arni seh kachelang avarsai pen kaheloving adim Amguri pen Mokhuli along akejoi pen seh kelang asai deng lo.
NGO ameiphu Dr. Tenzing Ingti pen chunbang Cliffter Jones Phangcho atum pherangke atum athengno kaningje ke, alanglitum seh kachelang ahem pen kaheloving ahavar along kapale pen rat aphan ok pran aphuthak kachepare lapen kachepangthir pen kedo-kethak nangji alam heihui kethanji aphansi mang lo.
NGO sengbangphu Ramen Phangcho kejai ke, nelitum North East angkang kedo West Karbi Anglong district arlo atoknai arong along anta kapaleji aphansi mang lo. Mukholi arong amekar inut Arup Kro pu abangphu NGO atum lapuson akejoi seh kelang asai kedeng thek apot kachoro pajir. Netum seh kachelang ahem kachehelo dunving ajoine penang an akisung keboi do lo. Morigaon along kedo Karbi arong along along seh kachelang avarsai kave det ajoine netum penang an kisiksak dolo seta nang kelangle kapangkreve ajok nongputa seh kachelang avarsai long dunde det lo puta mai chethan.

Leave a Reply

Your email address will not be published. Required fields are marked *

BREAKING NEWS
August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives