ADVERTISEMENT

This area is available for advertisement. Please contact for details.

Arnivang
Get Adobe Flash player

Food & Civil Supplies asaikam along chokamar kejor aphuthak ingsai nangji pusi AJYM kehang

GUWAHATI, Paipai 13: Kedamtang 2012 aningkan ahut Food & Civil Supplies asaikam along tangka pen chokamar anghoi kachojor pu alamki pen kedamtang 2015 aningkan Jakhong achiklo niphai 17 arni prime minister asaihem pen Assam ratpangri aphan loh nangpalesi kelang tarlipji aphan pinkhatlo, setame pini arni anta Assam ratpangri laso aphuthak thang asai kedeng thekdun longle detlo pusi AJYM pangdak. AJYM ameiphu Diganta Bora pachetak aloh pen kapangdak ke, Food & Civil Supplies asaikam along bang 145 angbong pen bang 25-35 atum aphanke aronre pen sub inspector anghoi jorlo lapen laso angthek nelitum along do. Halaso ahut Congress kacharibom ahut Director Rupak Majumdar ajahak asaiphu atum kachomatha asatlang kapatok ahut kethak aloh (answers script) along kechokche abangke paprai thusi puthot ketok kapachok atumlo pusi meiphu Diganta Bora akoi pi. Food &Civil Supplies asaikam along lapuson kachomatha ajoine satlang ketok dun kethek-kere atum mate kelong vekji meme atum supreme court along anta palelo. Halapu Bhangagarh police station alongta laso aphuthak lamhoi kipi dolo setame pini arni anta laso aphuthak thang akangsai dengde detlo. Lasi laso aphuthak state ratpangri aphan kapatarlipji hukum pi nangji pusi prime minister aphan AJYM kachoningri alamthe meiphu Bora asangho pangdak.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives