ADVERTISEMENT

This area is available for advertisement. Please contact for details.

Arnivang
Get Adobe Flash player

Pre Independence Day katalon

imageDIPHU, Paipai 12: Karbi Anglong Mountaineering Association kapatirpi along NYK, Manja along aboha army atum pen pen chelangpet Pre Independence Day katalon amen todap porphai 6 apor malom pen pangchengsi ‘Run for peace & unity ’ ajaimek kedeng. Laso ahut adap apor Karbi Anglong a deputy commissioner Mridul Kumar Mahanta ingpu dunsi Diphu pen Manja adak km 16 kedam chepate lo.
Kachepate dun atum Manja pale det aphi Manja army aboha along damsi sang dam lo. Laso ahut captain Ghosh  jalinsi risim heihui paklang lo. Diphu pen Manja an keng pen kedam chepate along bang 100 atum chepate dun.
Karbi Anglong arlo monsam lapen ning isi kedo thekji aphuthak kapachethangji aphansi pini ‘run for peace & unity and brotherhood’ ajaimek deng lo pusi DC Mridul Kumar Mahanta ningje.
La-an chot kali non Paipai 15 arni det kejokvan arni mate Independence Day ahirjume DC ahin pen Karbi Anglong arat aphan pajir. Lason ahut Karbi Anglong atok ano along monsam atemon lapen ning isi kedo thekji aphan alangli choningri.
Pinpurme Independence Day monsam pen katalon kapachunji aphan raikom asaikhi atum pen non malom ahin-ahin atovar along keton kelang kapangching asai deng lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives