ADVERTISEMENT

This area is available for advertisement. Please contact for details.

Arnivang
Get Adobe Flash player

Kedamtang 1990 aningkan kacholangrem alamki pen railway a minister Rajen Gohain jail do nanglo: Prodip Kalita

GUWAHATI, Paipai 12: BJP asong along inut barim asongja mate phong pli MP anparta central railway state minister  Rajen Gohai kedamtang 1990 aningkan ahut kacholangrem alamki pen Jajari police station along ejo pangthang nanglo lahai kacholangrem alamki pen lamhoi kapabon aphuthak pini North-East Now athengno Krishak Shramik Unnayan (KSU) ameiphu Prodip Kalita pangdak. Aprang alamki alamhoi pen nonhetjong alamhoi aphuthak state railway minister Gohai aphan prapjin pen nep nangji puta meiphu Kalita asangho hang. Jongdame railway minister Rajen Gohai aphuthak Nagaon sadar police station along inut abangphi aphan kacholangrem alamki alamhoi dengdet aphi non anta kenepne lapen alangli minister arpu penta kapasunse det abangke manghu meme puta meiphu Kalita asangho pangdak. Halapu kisung kepho abangphi ahem asor atum Paipai 11 arni Kalita asangho aphan phone kelo puta Kalita pachinisi alangli kaningje ke, non alanglitum mate kisung kephovek atum keraikom longle detlo. Rajen Gohai kapangreng komane a gunda atum alanglitum aphan kether-kehap mate kebersit ajoksi laso alamhoi che-en nangkoklo kali pulote che-en ingtungte pik lang lapen non komane ingtangkring abangphu long pulote puthot lamhoi pithuji  pusi nelitum aphan phone pen nangpachinilo pusi meiphu Kalita asangho ningje. Non kisung kephovek atum amethang ahemta kachedo haihe katnang voilo puta alanglitum phone pen nangchethan puta Kalita asangho pangdakthu. Alangli kapangdak thuke jongsi penap Paipai 13 arni DGP along jongsi kisung kepho abangphi ahem asor atum damji pulote nelitum ponji lapen Rajen Gohai aphuthak lamhoi piji pusi Kalita ningjethu. kisung kepho abangphi ahem asor atum lamhoi che-enji pusetame Nagaon sadar police station  along non amatke lamhoi kapabonji aphan pache-en toitelang. BJP aratpangri along kecho kapanglim lapen sai langno keklem atum aphan sodak ingsaiji pu atengsi railway minister Rajen Gohai aphanta arpu pen ingthan nangji anparta nini angbong jongsi Sarbabanda Sonowal kejalin aratpangri atum Rajen Goghai aphuthak than asai dengde pulote kachesong pangtangji pusi Kalita ther.

Leave a Reply

Your email address will not be published. Required fields are marked *

BREAKING NEWS
August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives