ADVERTISEMENT

This area is available for advertisement. Please contact for details.

Arnivang
Get Adobe Flash player

Hemprek kehang asong atum CEM aphan kachetong dam

PM pen kachetong longji aphan CM lapen Finance Minister aphan lamthe pale etlo: CEM

imageDiphu, Paipai 12: KANCHASDCOM, KLNLF, KSA, JACAS, KARSA, KRA atum chelangpet pen pini arnikangsam porphai 7:30 apor malom KAAC CEM Tuliram Ronghang aphan amethang kedo aboha CEM bunglow along chetong dam.
Laso kachetong dam ahut Autonomous State kehang rappetji aphuthak ardi doklong pen chingki chingvai.
Non kevangji Phaikuni mate Matijong achiklo malom Session doji, lasi laso aprang PM Narendra Modi pen kachetong damji aphan KAAC CEM atumta nangkacherap dun nangji pusi Song atum choningri.
PM pen kachetong dam longji aphan pusi CM Sarbananda Sonowal lapen Finance Minister Himanta Biswa Sharma atum aphan pachini et lo, laso alam puthot pachini thuvoi po pusi CEM Tuliram Ronghang pen hamphang kehang asong atum aphan pachini dun.
Kachingvai amai along EM prodip Rongpi, MAC Horensing Bey, JACAS ameiphu Khorsing Teron, KLNLF ameiphu P.Dilli, KANCHASDCOM sankur chubang Sing  Timung, KSA sankur chubang Moniram Tokbi, KRA ameiphu Biman Kro, KARSA ameiphi Kungri Timungpi atum pen chenglok ongdung atum chetong dun.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives