ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong pen North Cachar Hills a Bodo aphan ST (H) pi longle: ASDC, KSA, KNCA

DIPHU, Paipai 11: MP Biswajit Daimary lapen minister Chanda Brahma kejalin along Tribal Affairs a minister  Joel Oram aphan chetong damsi Karbi Anglong pen North Cachar Hills a Bodo atum aphan ST (H) aman pipo pusi chechak lo.
Lasi aling penta Karbi Anglong pen North Cachar Hills a Bodo aphan ST (H) ratpangri pen kengkam kachejor aphuthak Autonomous State Demand Committee (ASDC), Karbi Student’s Association (KSA) lapen Karbi Nimso Chingthur Asong (KNCA) ahamphang pen chedon dun thekthe. Ratchari, hamphang lapen chokam amo anat kapaprang dun thekthe Karbi, Dimasa lapen akaprek kapaphihup akhei aphansi ST(H) pi un chotji. Bodo aphan ST(H) kipi nangji aron ave athema alanglitum kapaprang akhei si hok lo. Karbi, Dimasa lapen akaprek inglong aso atum aphan ST(H) kipi ke ajakdingklui pen ratchari pen phurkimo pen kelang pensi kepek. Lasi ratchari lapen phurkimo pen lang dam seta Bodo aphan ST(H) aman kedo kepekji pen chokche pen chingbarbe. Bodo atum chingthur puke kelang penta chini-i dam un. Lasonsi Karbi Anglong pen North Cachar Hills along Bodo atum nonhetjong si kevang lang. Inglong alongri sixth schedule kaparlo along seta alangtum pen cheraplok ave. Anparta sixth schedule ajakong ke inglong aso akhei aphansi jakong pichot lapen thoi aso atum aphan sixth schedule kaparlo ponji alam phurkimo pen ratchari penle dam seta chok lim ave. Bodo accord along Clause 8 aphuthak inglong aso atum aphan ratpangri pen nang chingvaive. Bodo atum aphan ST(H) kapapi longle detji aphan Karbi Anglong Autonomous Council, MLA do-an lapen MP atum central pen state ratpangri atum aphan pakroi nangji pusi Autonomous State Demand Committee (ASDC), Karbi Student’s Association (KSA) lapen Karbi Nimso Chingthur Asong (KNCA) ahamphang kehang. Inglong alongri along laso avarsai kapapi pe detji aphuthak ratpangri aphan Karbi, Dimasa lapen akaprek inglong aso do-an angtang paso dun nangji pusi kethom ahamphang atum choningri pusi ASDC chunbang Daniel Teron, KSA ameiphu Suren Hanse, sankur chunbang Jameson Timung, dun meiphu Mandal Inghi lapen KNCA ameiphi Meerina Beypi atum birta pachetak.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives