ADVERTISEMENT

This area is available for advertisement. Please contact for details.

Arnivang
Get Adobe Flash player

Mahamaya Youth Congress atum kangdang amai kangni

Den Arong, Paipai 10: Dokmoka Congress asaihem along pini arnitili porphai 1 apor malom pen Mahamaya constituency Youth Congress atum kevangji MP kilik apharman arsikjit amai kangni.
Mai along non kevangji MP kilik ahut kosonsi Congress atum ongdung a vote kachepalong pen kilik kachepahai thekji alam heihui chethan. Mai along non kevangji MP kilik ahut Congress aphan kapahai vekji lapen non Diphu, Dispur lapen Delhi an kachari kejengron a BJP atum aphan kaparem vekji aphan chingki chethan.
Laso aphan okkarjang atum keklem kedam kachepaduk nangji lapen rong arlo lut damsi rat aphan BJP atum akechokche alam kapachini nangji anghor thedung lo puta mai along chethan. Kedamtang MAC kilik ahut ilitum ning isi kedo thekthe ajoinesi BJP atum kachari ajakong longlo. Lasi non aphong ke itum kado kave ning isi dosi klem rappet pen Congress aphan pahai nangpo puta chethan.
Jirhon Hanse aphan ke deng un-eh athe alangli phan non anta Congress pu patini un-eh lang pusi Mahamaya Youth Congress atum cheparai lo.
Alangli Congress amai along rat athengno chepaklang det aphi nelitum pen deng unji puta mai along cherai lo.
Meiphu Mensing Ronghang kachepahemphu amai along Ronjon Tisso pensi mai kepha alamthe kejai lapen alohi pachini apor en. Mai along alohisarpo aman pen Phukon Ronghang chetong dunsi MP kilik aprang pen Youth Congress atum jakong kachepherang nangji alam heihui than pare tekang. Manpeng alohi amen pen District Youth Congress chunbang Harmonsing Ingti, chunbang Barithe Teron lapen Phokas Ronghang atum anparta Hawraghat Assembly Youth Congress pen Semson Ingti  Mohila Block Mondol pen meiphi Anjuly Lekthepi lapen sankur chunbang Protima Teronpi atum anparta Korkanthi Mondol Youth Congress a meiphu Miechel Teron lapen chunbang Hundorsing Kro atum chetong dun.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives