ADVERTISEMENT

This area is available for advertisement. Please contact for details.

Arnivang
Get Adobe Flash player

KNPEPC pen kapajir apinpur aloh aphuthak CEM along birta kachehumri dam

WhatsApp Image 2018-08-10 at 10.01.02 PM (1)Diphu, Paipai 10: Kaziranga National Park Extension Protest Committee (KNPEPC) atum pini Karbi Anglong arongsopi Diphu nangpale Karbi Anglong Autonomous Council a CEM Tuliram Ronghang aphan chetong tekang.
Laso kachetong tekang ahut kedamtang 2015 lapen 2017 aningkan kapajir apinpur aloh aphuthak kopi asaisi kedengma pusi birta che-en tekang. Forest asaikam a ranger pen chenglok saiphu kethe atum aphan Delhi heihui toisi Karbi Anglong arat atum Kaziranga kapangdang kachedon dunde alam pathan dam toi lo pusi CEM Tuliram Ronghang lamthak pidun.
Pinpurme, Kedamtang Paipai 7 arni KNPEPC ameiphu Benting Terang chepahemphusi klembang amai ingni lo. Laso amai along kedamtang 2015-17 aningkan kapajirtang apinpur aloh aphuthak penang an chingki chethan.
Mai along chingki chethan patep det aphi kado kave chedonsar pen Paipai 10 arni KAAC CEM pen chetong damsi kapajir tang a pinpur aloh ateng ko-ansi sai klem loma arju po pusi cherai lo.
Mai along komat atumsi Karbi Anglong arongsopi dam pen CEM aphan chetong damjimata chingvai lo.
Laso ateng kado kave bang 12 KNPEPC adilung vangsi pini Karbi Anglong Autonomous Council a CEM Tuliram Ronghang aphan chetong pen kado kave akisung heihui alam chethan tekang lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives