ADVERTISEMENT

This area is available for advertisement. Please contact for details.

Arnivang
Get Adobe Flash player

Kerala lang kethe: Bang 4,000 arat ahem kache-o nang; school pen saihem ta kanghap

Thiruvananthapuram, Paipai 10: Pini adap apor Idukki dam along sluice gate pli kangpu ajok Periyar alangroi langkethe pen Kerala, Ernakulam district arlo Kochi along school pen saihem inghap nangkok lo.
Lang kelo ajok langham asanchom ke lang kanglum dolo lapen Cochin international airport ta kasiksak dolo.
Non an bang 4,000 doji langham asanchom kedo arat atum ahem che-o nangsi kachepachong aboha dodam nang lo. Lang kethe kepho asamchom along kedo an school, college heihui ke panghap et toi lo pusi Ernakulam district collector Mohamed Safirulla than.
Periyar alangroi ke Kerala along langroi kethenei Bharatapuzha alangroi adun lo. Laso alangroi Western Ghats pen angli si monit kanglum pik Kochi krongputsi Arabian Sea kachetok dun.
Lang kethebom ajok Ernakulam pen Thrissur district arlo school, college lapen saihem kanghap ji ahumkum pidet lo.
Longri arlo ongdung adim langkethe pen kisung kedo. Arve kejangpik ajok along longri arlo along kaprek-kaprek dam hum 24 pen lang lo nangkok lo. Kangkethe alam pen non an bang 26 apran kedam aphai dolo.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives