ADVERTISEMENT

This area is available for advertisement. Please contact for details.

Arnivang
Get Adobe Flash player

Kenep long sika 168 crore ahor kaphangno

Guwahati, Paipai 10: Longri arlo aronre pen kasalon kenep dun long ahor kaphangnoji aphan State Excise Minister Parimal Suklabaidya kapinkhat ateng pini Guwahati arlo Lokhra along lakh trok ahor abong road roller pen kapakoi.
Kedamtang 2016 aningkan Karbi Anglong, Khatkati arlo along kaprek-kaprek long pli adim pen ongdung Indian-made foreign liquor (IMFL) lapen beer abong nep long. Hum 14 Guwahati kedam a truck along si 17,410 case doji Indian-made foreign liquor police kenep dun.
Laso alam pen Bureau of Investigations Economic Offences (BIEO) atum son pli a case – 21/2016, 22/2016, 23/2016, 24/2016 pabon lo. Katarlip ahut BIEO atum bang krekethom abangphu atum aphan ingnang lo lapen charge sheet ta pli pi lo. Kachingnang abangphu atum amen Feroz Alam Khan, Harbhajan Singh, Umesh Kumar Jaiswal, Umesh Roy, Kamaljit Singh, Jaikom Singh, Rajesh Jalan, Bijay Phangcho, Danny Chanda, Jakir Hussain, Lakshman Singh, Ashok Prasad Yadav lapen Ganesh Chandra Das.
Kenep dun long ahor ador sika 1,68,54,31,349 doji pusi police saiphu than.
Court ahukum ateng State Excise department saiphu, magisterate lapen State Excise Minister Parimal Suklabaidya atum athengnosi hor abong road roller pen pakoi. Court ahukum ateng hor abong kapakoi asai videograph en lo.
Aron kanglok atum aphan anke kangsai pasodakji pusi Minister jai.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives