ADVERTISEMENT

This area is available for advertisement. Please contact for details.

Arnivang
Get Adobe Flash player

Independence Day aphrang Delhi along risim kenep long

NEW DELHI, Paipai 10: Independence Day nanglele aphrang det ahempi arlo long ni adim pen ongdun hile amu lapen hile kenep long lapen Bengaluru along ta honthe meme Bangladeshi klempar aphan ingnang long.
Delhi Police atum theman aningve along kaprek kaprek adim katarlip asai kedeng ahutsi long ni adim honthe meme risim kasalon atum arideng pen ongdung hile lapen hile amu kelong. Kenep long arisim along carbine ta do.
Kachingnang bang hini atum ke West Bengal arlo Malda asor Mohammad Azimuddin Sheikh cheparjan Azim lapen Uttar Pradesh arlo Shamli asor Soyyam cheparjan Aas Mohammad pusi pangthek.
Deputy Commissioner of Police (Special Cell) Sanjeev Kumar Yadav kethan atengke Soyyam aphan Theman arni GT Karnal atovar Singhola arong alongsi kenep dam lapen Azim aphan abangke northwest Delhi asanchom pensi kenep long pusi pu.
Kachingnang abangphu atum Delhi along kedo aronre asai keklem atum aphan risim kasalon asai keklem nang pli ningkan pho dopo pusi pu. Independence Day katalonji aphan nangkatebok het ajok Delhi Police Special Cell saikhi atum keton pangchingsi risim kasalon lapen klempar pen kacherap kedo meme atum aphan pangthek lo. Keton kelang kapangching asai kedeng pensi bang hini abangphu atum arideng pen ongdung arisim long lo pusi police saiphu than.
Azim aphanke Paipai 6 arnisi Special Cell atum kenep.
Delhi along Hazi Kayum ardeng risim kethon damji aphan Azim pen Akil atum kedam abirta longsinorthwest Delhi, Dheerpur arlo Tara Chowk adung vantage point along police atum ton dam lo.
Anerlo 11.55 apor malom Azim abang trolley bag hini vansi Kayum aphan inghong. Police chekomsi nep chek lo. Trolley bag arlo automatic sophisticated carbine bongni, pistol bong 38 lapen hile amu mu 50 peh arlo kapatu thek long pusi ACP than.
Kaprek Special Cell abitung atum ta Kairana (UP) along risim kasalon keklem abangphu Soyyam aphan GT Karnal atovar Singhola arong adung CNG station adung nep long pusi DCP than. Arideng .32 bore pistol bong 12 lapen magazine 19 long.
Karju patertok ahut lam kelong ke Bihar, Munger along aronre risim kasalam adim chini det pen ke West Bengal si cheterek thu lo lapen longri arlo along kaprek-kaprek adimsi risim kaselam pusi pu.
West Bengal along kaselam arisim si Delhi lapen adung arei alongri ta kasalon pusi pu.
National Investigating Agency (NIA) atum ta Bengaluru along honthe meme Jamaat-ul-Mujahideen Bangladesh klempar aphan nep long.
Ningkan 29 arta kedo Adil cheparjan Assadullah ke West Bengal, Murshidabad alongri asor. Adil aphan Paipai 7 arni Cantonment Railway station adung si kenep. Arkoi 19 arni Bodh Gaya arlo Kalchakra Maidan along bomb kapangbop alam pensi kenep pusi NIA pangdak.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives