ADVERTISEMENT

This area is available for advertisement. Please contact for details.

Arnivang
Get Adobe Flash player

Borjan Development Society atum CCI inghap nangji pusi loh kipidam

Diphu, Paipai 10: Kedamtang Vosik 15 arni Lakhijan edon ahem along mai ingnisi Borjan Development Society (BDS) amahang pathek lo, halaso amai along rat sai klembang Lob Kr. Teron si mai kachepahemphu.
Mai along kachetong dun atum angbong pen penang chingvai chingsaisi chedonsar pen Borjan Developement Society mahang pathek lo.
Song amahang kapathek nang kok atheke Borjan ahavar penang an ason kapachingthurji aphan kachesong pen ardi kipi dunji aphan pusi cherai lo.
Laso atengsi kedamtang Paipai 6 arni Chairman cum Managing Director New Delhi aphan panongsi Bokajan along kedo Cement Corporations of India (CCI) General Manager aphan epak pinpur aloh pajir damlo.
Borjan Development Society atum, laso aloh kepi dam nang kok ke Karbi Anglong arlo Borjan ahavar along kedo CCI Quarry along kedamtang 1972 aningkan pen non an Cement arlong (Lime Stone) inghusi sai klem dam bom lo.
Seta laso cement arlong roi pon bom pen ladak jasimet Karbi atum pini arni anta thangta avarsai long dun vangve, Karbi atum sai cheklem dun longlesi kaprek angtan asor atum aphansi chokomar anghoi anta pibom. Kemesen kejun alang avarsai pipe. Kemesen kapathu aklam ave. Kemesen School avarsai pipe. Kedor plup rihing ameh chethor dun longle. Kemesen keso kachelang avarsai pipe. Pini arni anta Karbi atum aphan kesung keboi ahut kerap kepajir dun ave pu heihui pen chenglok ason ason akerap kipi thekthe alam jong dun lo. Lasi CCI ke Karbi atum aphan thangnat ale vangvelo lasi inghap chek nangpo pusi BDS ameiphu Longsing Kro, chunbang Sarlong Teron lapen bidisar Lob Kr. Teron atum pherangke aphan pachini.
Laso asong pen kechengsi asai kedeng ke kedamtang Vosik 25 arni Guwahati along damsi Chief Minister Vegelance Committee atum aphan panongsi IGP arideng epak pinpur aloh kapajir dam hen lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives