ADVERTISEMENT

This area is available for advertisement. Please contact for details.

Arnivang
Get Adobe Flash player

Bakalia petrol pump alamki kacherap abangphu kachingnang

BakaliaBAKALIA, Paipai 10: Bakalia rongsopi arlo kapangni petrol pump along kanghu asai keklem abangphu police apham kachedan.
Birta kelong atengke, petrol pump along inghu det aphi police asaikhi atum kangthum dun kesangse det anparta joi joi pen birta longsi Paipai 8 aningve Bakalia police station kaparlo Rajapathar alongsi kacherap dun abangphu aphan nep ingnang lo. Kachingnang chek abangphu KPLT ceasefire defence secretary Rijak Dera pusi pangthek. Kachingnang chek abangphu arideng pen thangnat arisim ta longle pusi police asaiphu pangdak.
Pinpurme, kedamtang Paipai 4 arnikangsam apor malom Bakalia ahithi anglum kedo petrol pump along lakh sose atangka pon det. Petrol pump manager pherangke atum aphan kapachini atengke arnikangsam porphai 7:35 apor ihum number registration kave RX-100 a bike pen bang hini amahang kachiphunghet abangphu atum vangsi nelitum kachongdat abangphu bang kethom Gopal, Tikam lapen Rajesh atum aphan areng pasosi neli room along nang beng chok lo lapen AK-47 ahile nang paklangsi sika 1,15,240 atangka pondetlo. Alanglitum Hindi alamsi kachingki puta petrol pump along kachongdat dun abangphu atum ningje. Laso alam phodet aphi dim aklong an police pale damsi birta enlo lapen Bakalia police station along IPC 394 section 69/18 alamhoi pabonlo.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives