ADVERTISEMENT

This area is available for advertisement. Please contact for details.

Arnivang
Get Adobe Flash player

2019 MP kilik ahut BJP along cherap dunde lo: JACAS

WhatsApp Image 2018-08-10 at 10.16.08 PMDiphu, Paipai 10: Kedamtang Paipai 3 arni National Federation for New State a klembang amai Diphu along kangni ahut kacherai lapen Joint Action Committee for Autonomous State (JACAS) atum Paipai 8 arni klembang amai ingnisi kado kave chedonsar pen ‘non kevangji 2019 aningkan MP kilik ahut ke BJP along cherap dunde lo’ pusi lamrai deng lo.
Laso ateng atumi Paipai 9 International Day of World Indigenous People’s katalon PM Narendra Modi aphan laso alam jong dunsi pinpur aloh pale lo. Kedamtang NFNS klembang amai along kacherai ateng NFNS kachelangrappet asong do-an atumta atumi isi alamthe jong dunsi Prime Minister Narendra Modi aphan pinpur aloh pale pusi pini Diphu Roof top along pherangke amai kangni ahut JACAS chairman Khorsing Teron pangdak.
Pherangke amai along kedamtang arni BJP atum kachechak alamthe aphuthakta pinpur lapen BJP atum kachechak ateng pen keklemkle apot JACAS pen ning kangsamse ta chepaklang.
Pherangke amai along JACAS vice chairman Stalyn Ingti, convenor Samsing Hanse, KSYC ameiphu Prakash Terang lapen KSU ameiphu George Timung atumta chetong dun.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives