ADVERTISEMENT

This area is available for advertisement. Please contact for details.

Arnivang
Get Adobe Flash player

Panjuri Kachari arong ahoni apot Karbi aron ateng kapangthir

IMG-20180810-WA0006Diphu, Paipai 9: Kedamtang Vosik 8 arni Panjuri Kachari arong along kepho ahoni apot pini Karbi aron ateng kachepangthir.
Jaimek ateng todap porphai 9 apor Kakhre Sankar Milik aphan kangthom karne pensi sai angdeng pangcheng lo. Laso aphi porphai 10 apor Kakre Sankar Milik pen Karbi aron ateng arkli phejosi kecham kangthi lapen huni kanti kapadam asai klem lo. Porphai 11 apor honi kanti kapadam aron ateng khap mate sang kevar ta Kakhre Sankar Milik pen jalin lo, laso aphi kachetong dun Karbi akhei do-an atum penta sang chevar dun rinti lo.
Laso aphi porphai 2 apor Kakhre Sankar Milik aphan Karbi aron ateng chepadi lo.
Choran choche aprang kachetong arat atum angbong kachethan kachepare amai malomso aphan ingni. KRAA ameiphu Dhormo Sing Teron kachepahemphu amai along HTL convenor Saising Rongpi, HTL joint convenor Rajendra Kramsa, KSYC ameiphu Prakash Terang, KAKA ameiphu Jana Teron, Lunsepo Pansing Kro anparta Panjuri Kachari aron asarthe Khasiram Swargiary lapen kaprek kaprek man kedo abangphu atum chetong dun.
Mai along inglong aso akhei atum ning isi kedo nangji alam pen chenglok longri longpat kachelang nangji alam heihui kachetong dun man kedo abangphu atum pen jai tekang.
Mai along kachetong dun HTL convenor Saising Rongpi pen kejai ke, ‘hako penta kopine ahoni pholok pulote Karbi atum ke arkli phejosi kachepangthir mate kevangji arni lapuson ahoni kephophe detji aphan honi kanti kapadam asai klembom lo. Lasi kedamtang Vosik 8 arni kepho ahoni kachepangthir lapen honi kanti kapadam asai klem lo’. 
Sixth schedule aron hako pen itum inglong aso atum aphan nang kithipi kedo ajoine pini arni ilitum lapu-an anta kedo longlo itum aphan jongsi kaprek kaprek kachingthur tang akhei atum along nangbi dun kok asonte ilitum bang atum abansi man nangji apot lo.
Karkli kaphejo pen mesen angtar kapalong karkli kaphejo akurusar atum aphanta Saising Rongpi pen kachoro pajir.
Mai along alangli pen inglong aso akhei mate Karbi atum ning isi kedo nangji alamta alangli jai tekang.
Mai along penang an ardi kedoklong alam arong asar atum pen chenglok mai along kachetong jaisi mai ingsamjin pen pachekak lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives