ADVERTISEMENT

This area is available for advertisement. Please contact for details.

Arnivang
Get Adobe Flash player

NRC final draft list along boche barim atum amen kave dundet abangke kopai kelangno lo: Anup Chetia

GUWAHATI, Paipai 9: Jakhong 30 arni kapangdak NRC final draft list along boche barim atum amen kave dundet abangke ningduk meme lapen kopai kelangno lo pusi pini International Indigenous day Guwahati Majkhowa along kibi ahut kachetong dun ULFA jabang Anup Chetia pherangke athengno ningje. Boche barim atum amen kave det ajoinesi 40 lakh an plengroklo kalite lapu-an plengple det lohoi pusi mathalo puta alangli pherangke athengno ningjesi NRC ateng pensi boche barim atum aphan rai unji pusi mathalo. NRC draft list along aronre angtan asor atum amen thap ponlo lasi boche barim atum akai mo keraikom dojine ave pone laso aphuthak munthi bomlo. Halapu aronre angtan pen nangkilut aaaatum aphan NRC along amen kethap pon pu Chetia ningjesi isi kangthimlim NRC draft list kaselam lapen aronre nangkilut atum amen kavedet abangsi nelitum kar-ilo pusi NRC authority aphan choningri. India aratpangri atum Bangladesh atum pen isi alamdon chetoksi  aronre pen nangkilut atum aphan puthot Bangladesh kacheponji aphan avarsai klem nangji puta Anup Chetia chonigrisi Alangli kaningje thuke jongsi Bangladesh atum halahai atum aphan dengde pulote kaprek-kaprek adet along Refugee  atum aphan kibi adim along ketoiji aphan avarsai deng nangpo puta alangli hang. Lasonsi alangli kapangthektanf angtan asor atum aphan Assam  pen akaprek alongri ketoiji aphan choningri 1971 aningkan aphi kevang angtan asor anghor mantuneta parpupelo pusi Anup Chetia ningje.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives