ADVERTISEMENT

This area is available for advertisement. Please contact for details.

Arnivang
Get Adobe Flash player

Kangthilangso ahavar kibin inghun ki-ik kesai

IMG-20180810-WA0000Diphu, Paipai 9: Kangthilangso ahavar kibin a inghun ki-ik sai lo, lasi non pen ke kijui kelang ateng aprang ateng Kangthilangso alangsun kelang damji aning kehang atum dam me lo.
HTL, KSYC, KRAA heihui asong pen chenglok kado kave hamphang asong 15 atum chelangsi kedamtang Vosik 8 arni Panjuri Kachari arong along ahoni pangthir et lo.
Pinpurme, laso ahuni phodet pen havar inghun ki-ik binsi pangting sang lo, inghun ki-ik kibin esek havar arat atum penang an kisung chechak nang lo. Seta non ke inghun ki-ik saisi aprang ateng choklem chodam longlo lapen Hidi sok kacho-eh pen chenglok kaprek kaprek asaita aprang ateng aprang amang choklem chodam longlo pusi rong arat atum chethan.
La-an chot kali, Assam angkang jasemetpet Karbi Anglong arlo atok ano anong kachethang klong Kangthilangso alangsun kelangji lapen Kangthilangso alangsun kelang damji atum tame aprang ateng vangme lo puta havar arat atum pachini. Rong arat atum pensi tovar kachinine atum aphan anta kedamtang arni anta than dun bom lo lapen non kevangji arnita than dun bompo puta chechak.
Rat atum pen kedamtang arni lapuson ningduk meme ahoni kedokok apotta ningduk chepaklang rinti. Lasi kevangji arni lapuson ahoni ke havar along pado longle, lasi kado kave akhei angbong jirpi-po hejan asonsi dopo puta alangli ningje rinti.
Pinpurme, pini HTL a convenor Saising Rongpi, HTL joint convenor Rajendra Kramsa, KSYC ameiphu Prakash Terang, Thekar executive Editor Danielson Bey, KAT Channel apherangke Mongalsing Inghi atum Kangthilangso langsun along palesi lang kachinglu pen chenglok mohor heihui chenep damsi ning arong chipi dam lo.
Laso ateng rat atumta kevangji arni kai ateng ning arong kachipi damji aphan kelang damji aphan havar arat atum pen choningri.
Kangthilangso alangsun kelang alon kedo pen chenglok, lang apunsir pen temon kangsam ining ingsamjin khangjang. Inglong lir seng atebin langso kili kangchingthi aklong chechar et arlong athak kilik arkli ining do-eh anpin.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives