ADVERTISEMENT

This area is available for advertisement. Please contact for details.

Arnivang
Get Adobe Flash player

Inter College Karbi Cultural Competition" arong aje apharman college ahumtin kahumri dam

IMG-20180810-WA0015Diphu, Paipai 9: Pini Karbi Lo-Charli Jutang Aterank atum patirpisi non kevangji Paipai 27 pen 30 an Diphu Joysing Doloi Auditorium Hall along “Inter College Karbi Cultural Competition ” arong-aje talonji.
Ove kimi atum jutang jutang ahin kapachihung thekji aphan pu akemang pen Karbi Lo Charli Jutang aterank atum pen Karbi Anglong arlo kedo-an college atum angbong jutang akelun kekan kachepate arong aje kedamtang aningkan pen katalon bom ason thakthak pining lethotta katalonji aphan pusi Karbi Lo-Charli Jutang Aterank atum pini Karbi Anglong arlo kedo kaprek kaprek a college along humri.
Laso kahumri dam ahut non kevangji Paipai 27 pen 30 an Inter College Karbi Cultural Competition aphuthak chingki chingvai lo. La-an chot kali a college tin penta laso kachepate along kacheto dunji aphan chopha tekang.
KLJA ameiphu Singja Tisso jalinsi Rangsina College,  Semson Sing Ingti College,  Waisong College,  Kopili College,  Eastern Karbi Anglong College,  Bokajan College,  Deopani College, Harlongbi Velongbi College,  Pranav Vidyapith College, Mountain Hill, Green Valley Junior College, High Mountain Jr.  College, Rukasen College, Thongnokbe College,  Havarkehat College, Langhin College along a principal aphan chetong tekangsi Karbi Cultural kachepate arong aje aphuthak pachini tekang.
Meiphu Singja Tisso kejalin pen kaprek kaprek a college along kahumri dam ahut KCS, CEC saihem chunbang Longmukrang Terang lapen Jambili Literary Foundation chairman Welsing Hanse,  chunbang On Teron,  dihin rimbang Longbir Terang atumta cheto dun.
Pini kaprek kaprek college along kachingki chingvai ahut a college tin penta kachepate dunji mate cultural troop nang kachetoi dunji aphan lamthe nang chipi dun pusi KLJA ameiphu Singja Tisso birta nangpale.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives