ADVERTISEMENT

This area is available for advertisement. Please contact for details.

Arnivang
Get Adobe Flash player

AISA mahang kethek arni katalon

AISADiphu, Paipai 9: Pini Diphu amethang asaihem along 28 angdeng All India Students Association (AISA) amahang kethek arni katalon.
Jaimek ateng todap porphai 10:30 apor Karbi Anglong aro sankur chunbang Jirsong Tisso arideng pen song alama pachipur lo. Laso aphi karlitang atum aphan chikimo.
Lama kapachipur lapen kachikimo asai patang det aphi mai along kachetong arat do-an chingrumsi armu chejengsi DC arideng pinpur aloh pajir dam.
Porphai 12 apor malom pen rat amaipi ingni. Ranjit Kramsa kachepahemphu lapen alangli pen amatsi alohi kapachini apor ta en. Mai along Manpeng alohi CPI(ML) HPC sankur chunbang Robi Kr. Phangcho, Advocate Sarthe Ronghi prekjek alohi aman pen chetongdun lapen KSA Lumding Road ameiphu Simeon Rongphar, KNCA sankur chunbang Pratima Inghipi, HSDC ameiphu Dr. Mongve Rongpi, Nirman Shramik sankur chunbang Amlong Ingti lapen SYJ  ameiphu Longki Senar, chunbang Rocky Tokbi atum chetong dun.
Mai along kevangji arni song kapangtang ponji, keklem kedam nangji lapen Karbi Anglong hemprek kapalongji heihui aphuthak kachetong dun alohi atum jai.
Laso aphi meiphu alamthe jaisi kado kave kachetongdun song aro klembangphu bangphi atum aphan kachoro alamthe pajirsi mahang kethek katalon mai ingsamjin pachekak lo.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives