ADVERTISEMENT

This area is available for advertisement. Please contact for details.

Arnivang
Get Adobe Flash player

So-arlo atum methang akeng kacharjap thekji aphan Social Welfare pen bor-i bomlo: EM K. Rongpipi

IMG_20180808_140219DIPHU, Paipai 8: Chokomar avarsai kelong dunde abangphi atum aphan kosonsi ingthur thek jima lapen methang akeng kosonsi kacharjap thekji aphan pura Social Welfare asaikam pen penang an avarsai tholo pusi Social Welfare asaikam EM Kache Rongpipi ningje. District Social Welfare asaihem along cutting, tailoring lapen knitting aseke kipibom adim pini EM Kache Rongpipi humridam. Laso ahut EM Kache Rongpipi aphan pherangke abetung karju ahut EM Rongpipi kaningje ke, neli Social Welfare asaikam arpu dengdet aphi ladak seke kipi adim apor pen apor nanghumri bomlo lapen birta setame enbomlo. Neli laso arpu kedeng pen mate pining aningkan pen seke ke-en bom ki-untang abangphi atum aphan machine kerap kapajir dunji aphansi chisik bomlo, athe alanglitum seke endet pen hem along dokok pusetame sika isi sika hini kelongji atovar ahin kerap dunji aphansi machine pen pen certificate (diploma) ta pajir dunpo pusi ningje. Alangli kaningje thuke non seke ke-enbom abangphi atum aphan chiklo ejon along sika pharo pho tame kerap pajir bomlo lapen kevangji aningkan penke West Karbi Anglong lapen Bokajan sub division alongta seke pipo pusi ningje.
Pinpurme kedamtang arni Social Welfare asaikam ahin pen lapuson seke ke-en ki-un duntang abangphi atum aphan certificate pen akaprek machine heihui kapajir dun avelang setame pining pen abangke machine ta pajir dunji lapen certificate ta pajirji pu EM Kache Rongpipi kapangdak ajok seke ke-en abangphi atum pen danglok rat atumta kachoro pajir.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives