ADVERTISEMENT

This area is available for advertisement. Please contact for details.

Arnivang
Get Adobe Flash player

KSA Deihori Rongbongghat aro angtang kapaso

Sangti arlong kasalon atum saijokje kapacheklem

IMG-20180808-WA0004DIPHU, Paipai 8: Deithor-Deihori kacheleng PWD atovar sangti abeha keklem atum akele karthang pik ajok cheleng atovar vak lapsi likbuk cheman et lo. Laso atovar penang ajir kiding kaheno ajok arnivang cheleng arat atum ason-son akisung pen pho nang lo. Lahai pen kachingraiji aphan KSA Deihori-Rongbonghat aro atum ajak dingklui penlo ardi en dunsi chesong dun lo. Tovar kapaheno lap ajok mahaldar pen sangti abeha klembang atum aphan KSA ahamphang atum kipu paso lo.
Hithi erui aprang police pen forest asaikam aphan kehoi aloh pisi pinpur aloh ta pajir lo. Bonta thangnat angthek ardi en-eh seta tovar kevak along kethok pruiji aphan arni kehot kipi det ajok pini anke cheklem nangkok lo. Kachesong along ardi kipi dun KSA tiripi debating secretary pen Bokajan a incharge Barnabas Killing, Bokajan Regional Committee dun meiphu Kangbura Timung lapen KSA Deihori Rongbongghat aro atum aphan haladak ahavar arat choro pajir lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives