ADVERTISEMENT

This area is available for advertisement. Please contact for details.

Arnivang
Get Adobe Flash player

I-Day apharman police keton kelang kapangching

I-Day apharman police keton kelang kapangching

Screenshot_20180808-123920DIPHU/HOWRAGHAT, Paipai 8: Areng kelok atum arideng pen India adet kejokvan arni mate Paipai niphai 15 arni ke India Independent Day katalon arnilo. India ahempi Delhi arongsopi pen danglok detpi adangpi arlo state, district lapen school, college anparta government asaihem malom halabangso arni India alama ingthursi phong 72 Independent day talonpo. Labangso katalon ahut monsam lapen ingthirjir pen katalon dunji aphan anutin setame chisik bomlo. Halabangso arni nahokta soluk- sodak asai kapado longle detji aphan pura police lapen armu okso atum keton kelang asai pangching bomlo. Assam along Guwahati arongsopi pen danglok ongdung kahonthe meme adim malom keton kelang pangching lo. Bus stand, train station anparta rat kachingrum kacheto alongklam adim malom kelang pangching lo. Lason thakthaksi Diphu arongsopi arlota keton kelang pangchingsi tovar along gari kekhang asai denglo. Jasemet petke dangni a gari aphansi kelang pangching dunlo. Setame laso along kejong dun meme abangke gari along kopi tong kepon lone mate kethap pon lone laso abangke kuruk dunde hala gari aloh heihui lang tarlip chot anchot po, aloh kechoklim atumke damlongpo lapen kechokche atumke adai tunang po. Jongsi monsam aphan pulote gari aloh ta lang tarlip nangji lapen gari arlo kopima kethap pon halahaivta kuruk dun pameka nangji pusi ongdung cheroktok arat atum ningje. Halapu Howraghat along setame klempar atum soluk-sodak asai kapadeng longle detji aphan Howraghat a police atumta keton kelang chisiklo. Adap-arnikangsam apor tovarpi along tonsi kenangsot gari alo kelang tarlip dunlo. Laso ahut gari aloh kechokche atum aphan kekhang dun ajok ongdung a gari police station along pleng tirlo.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives