ADVERTISEMENT

This area is available for advertisement. Please contact for details.

Arnivang
Get Adobe Flash player

Assam along ason-ason akisung aphuthak Lok Sabha along MP Chiraj Uddin Ajmal kaningje dun

GUWAHATI, Paipai 8: Assam along kedovoi kaprek-kaprek akisung aphuthak pini Look Sabha along Barpeta MP Chiraj Uddin Ajmol ningje dun.  Alangli Lok Sabha along kaningje dunke Assam along lang kanglum lapen langroi kanglem akisung kapajokji aphan sika 20,000 crore atangka, Arsenic pen Fluoride kapajokji aphan sika 1000 crore atangka, Jogighupa, Nagaon lapen Kachar paper mile puthot kaparang thuji aphan tangka nanglo nangji pusi kehang. Halapu NRC aphuthak alangli kaningje ke Assam mate India along Bangladeshi inut bak kodiji pu abangke AIUDF ta ning hanghe. Assam Accord ateng pen 1971 aningkan There 24 aprang Assam along  kevang atum aphan ajat pen noi amen ingthan nangne mate India Citizenship amen kangthanthe detji aphan klemvek nangji puta ningje. Lok Sabha along alangli kapangdak dun thuke pirthe adangpi pen Assam along henlo sah kelong ke-ong nailo setame pini arni anta sah kachongdat dun atum kelong nangji ajakong mate avarsai heihui longle detlo. Sah kachongdat atum aphan tangka kapabat pen danglok asomar atum aphan kedorpluk se kelang anparta loh kecharli ahin avarsai deng nangji puta MP Ajmol hang. Dhubri, Barpeta, Gowalapara, Bongaigaon angbong train ahor lapen kacheleng atovar kapachekloji aphan tangka nanglo nangji puta Lok Sabha along Ajmol hangsi Karimganj, Dhubri, Gowalpara lapen Barpeta along Engineering College, Medical College, Agriculture College lapen Fishery College kikimji aphan tangka nanglo nangji pusi hang. Halapu Dhubri pen Phulbari adak dolong kaselamji aphan lapen Rupahi Airport aphanta tangka nanglo nangji pusi pini MP Chiraj Uddin Ajmol Lok Sabha along kehang pusi AIUDF chunbang Haidor Hussain Bora pachetak aloh pen birta pangdak.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives