ADVERTISEMENT

This area is available for advertisement. Please contact for details.

Arnivang
Get Adobe Flash player

24+ Hamphang asong rat amaipi kapangniji aphan kachesik

DIPHU, Paipai 8: Non kevangji Paipai 26 arni porphai 11 apor pen 24+ Hamphang asong patirpisi rat amaipi kapangniji aphan chesik chedang lo. Bangso rat amaipi Havarkehat (Howraghat) angkang kedo Sangtimili kapathu aklam along si kibiji adim pathik lo.
Mai along lamjai sarpo aman pen J.I. Kathar (retd IAS), cheparjan bangphu Rajip Kro, Dilip Sing Bey, 24+ asong convenor Ratan Teron, Rajesh Tisso, Angtong Ingti Kathar, SSIC meiphu Semson Teron, KARAA meiphu Dhonsing Ronghang pen chenglok penang an thek reset atum kachetong dunji alam do. Mai along jasemetpet KAAC along sixth schedule aron ateng pen kaprek voter list selam nangji lapen non Guwahati High Court pen KAAC aphan kaprek voter list kaselamji aphan lamtoi kipi lapen KAAC along kaprek voterlist kenangsot aphuthak si jasemetpet mai kibiji along thanji pusi 24+ Asong meiphu Birensing Hanse lapen chunbang Khorsing Timung birta pachetak.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives