ADVERTISEMENT

This area is available for advertisement. Please contact for details.

Arnivang
Get Adobe Flash player

ST apharman kachesong kapangtang, train kekhang ahut police kaibong pen kapaprat

GUWAHATI, Paipai 7: ST status ajakong nangpi nangji pu kedamtang penang an arni pen Koch Rajbongshi Sanmilan atum nangchesong bom vangbomlo. Lason thaksi atumi lethot ta Koch Rajbongshi Sanmilan atum Gohaigaon Soutara train ahor along kekhang asai kedeng ahut penang an hur chodut lo. Kachesong abangphu-bangphi atum train ahor athak kachesong kangnithip ajok atumi penang train kacheleng tikuk lo. Ongdung a train kacheleng kekhang pen danglok ajahak a train ke tovar ebengsi khangchek nangkok lo. Kachesong arat atum aphan police atum than-paresi pacheterek toilo setame police atum alam karjuje det ajok kaibong pen karplung lapen tear gas heihui apsi paprat phunlo.
Pinpurme khei trok atum aphan chiklo jon trok angbong ST status pipo pusi kedamtang kilik ahut BJP atum lamchak chipilo. Setame laso alamchak papleng po pusi khei trok atum lapu-an arnita dojoi lo, bonta non abangke chechak dorsi puthot alanglitum kachesong atovar rinang kok lo. Kedamtang Jakhong 20 arni Delhi along laso aphuthak dilung kethom kachingvai ahut BJP atum kapachobai pu chinisi khei trok jalinbang atum kedamtang Jakhong 23 arni Assam kangkir phalo. Laso aphi halahai akhei atum kaprek-kaprek penang an kachesong asai denglo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives