ADVERTISEMENT

This area is available for advertisement. Please contact for details.

Arnivang
Get Adobe Flash player

Nanglitum aphan jail nangtoi un pusi Pratik Hazela aphan SC kapachini

GUWAHATI, Paipai 7: Supreme Court kelangchari dun pen Assam along kedovoi NRC asai along arlo alam pherangke athengno kapangdak bom ajok pini Supreme Court pen Registrar General of India pen State cordinator Pratik Hazela atum aphan kether. Pini Supreme Court along NRC alamhoi aphuthak hearing ingni. Laso hearing kangni ahut Justice Ranjan Gogoi pen Justice Pholi Nariman atum kapangni a bench along NRC asai arlo alam pherangke athengno kapangdak aphuthak bang hini aphanta judge kipu paso. Justice Ranjan Gogoi pen Pholi Nariman atum Pratik Hajela pen RGI atum aphan kipu ke nanglitum NRC draft list kaselam abangle nangning chibi noi, Court pen hukum longle aprang pherangke anthengno ajat ta ningje nangne pusi kipu paso.
Pinpurme kedamtang arni Pratik Hajela pherangke athengno kaningje ke, NRC aphuthak kehang, kachoningri asai along draft list pen amen kave atum citizenship angthek ateng pen ajat kechoklim aloh (documents) ta dengji pusi ningjelo. Laso aphi tiri pen keklang birta isi aloh along interview kipi aphuthak Hajela aphan Justice Ranjan Gogoi kipuke draft along sai keklem lapen final NRC along kaselam henlo nangli sai. Lasi mo nonphi chere noi pusi pini Hajela pen Sailesh aphan Justice Gogoi  kipu. Ihin anatthu pen birta kelong dun atengke NRC along kenangsot asai ave pu asonte la bang hini aphan Court along court aphan kelangplot akangsai pado tahai lo pusi Court kipu pusi chini dun.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives