ADVERTISEMENT

This area is available for advertisement. Please contact for details.

Arnivang
Get Adobe Flash player

Hemprek kapalong dapprangji aphan hamphang asong kachingvai

IMG-20180807-WA0021Diphu, Paipai 7: Karbi Anglong pen Dima Hasao arat akar-i hemprek apharman Paipai 6 Durmi arni porphai 11 apor pen KANCHASDCOM, JACAS, KSA, KLNLF, KRA, KARSA lapen KUYA asong asongjapo atum chelangpet pen arsikjit amai kangni. Mai along jasemetpet hemprek kapalongji aphan kopi asaisi kedeng nangji lapen kopusonsi prapjin pen hemprek kapalongji ma aphuthak kachingvai ardi pi.
Kachingvai ateng hemprek kapalong dapprangji aphan pusi KANCHASDCOM, JACAS, KLNLF, KSA, KRA, KARSA asongjapi-po atum Paipai 6 arnikangsam porphai 8 apor Karbi Anglong a RSS kehoi Prasarok Harsing Teron aphan chetong dam. Laso ahut Karbi Anglong pen Dima Hasao apharman kopusonsi prapjin pen hemprek kapalong thekjima aphuthak penang an ajirkiding chingki-chethan.
Penang an chingki-chingvai det aphi hemprek kapalong dapprangji aphan Harsing Teron penta penang an bidisore pidun pusi birta long dun. La-an chot kali Karbi Anglong arat ning isipet pen hemprek kachehang along un-an nang cherap-cheto dunpo puta Karbi Anglong RSS kehoi Harsing Teron chechak dun puta birta long dun.
Karbi Anglong pen Dima Hasao Assam alongri kedo hini inglong a district apharman India Constitution along article 244(A) tokdak aphita pini arni hemprek kehang kepleng un-eh det ke ningduk meme alam lo. Hemprek kehang ningkan 32 sose tang lo. Laso angbong ongdung atum hemprek amen apran kedam nang lapen hemprek amen pen jail kachethap nang atumta do-oh lo. Seta pini arni anta hemprek kelongji alam avelang. Lasi kehang atum tong kechokche mate nang kipi atumsi aning kehanghe pusi ongdung arat atum arju.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives