ADVERTISEMENT

This area is available for advertisement. Please contact for details.

Arnivang
Get Adobe Flash player

Ni thom apharman ‘Summer Chess Championship’ kapathu angdung kiti

IMG_20180804_174221Diphu, Paipai 5: Kidukdet loh charli osomar atum aphan kerap kipiji aphan pura Matipung Club patirpisi Matipung Bhomkuru ahithi along Paipai 4 arni ni thom apharman ‘Summer Chess Championship 2018’ kapathu angdung kiti amai ingni.
Kedamtang Paipai niphai 2 arni pen chess kapathu chengsi Paipai 4 arni pajut lo. Chess pathu pajut det aphi nong-eh kapajir amai ingni. Matipung Club meiphu Rajesh Teron kachepahemphu amai along aholi aman pen Dhansiri VDC Chairman Dilipsing Bey adular achor Geeta Rongpipi, Karbi Anglong Chess Association (KACA) meiphu Birendra Hanse atum pen chenglok penang an kethe-kiding atum chetong dun.
‘Summer Chess Championship’ kapathu along senior category along kechengsi anong-eh Bonsom Kathar long dun, adunthu anong-eh Ronjit Ingti, kethom angdeng anong-eh Rupsing Teron lapen 4 angdeng Kirison Ingti atum cheparideng rinti. Sonsi jonior category along kechengsi anong-eh Hamraj Timung, adunthu anong-eh Martin Rongphar, kethom angdeng John Terang lapen pli angdeng anong-eh Rajesh Kro atum long dun.
Karbi Anglong along ta chess kapathu anat paprang dun oh nangjilang. Non amat Karbi Anglong Chess Association (KACA) methang asaihem ave lang. Lasi non KASA ahem kikim bom alongsi saihem kehang dunji aphan kachari atum aphan kachoningri aloh pipajir etlo. KACA pen Nihang nirep ahavar adangpi pen Diphu along chess kapathu kachepate kibiji aphan chesik chedang bomlo pusi nong-eh kapajir amai along KACA chunbang Harsing Timung jai.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives