ADVERTISEMENT

This area is available for advertisement. Please contact for details.

Arnivang
Get Adobe Flash player

Sarbananda Sonowal aphuthak Trinamool Congress MP, MLA atum lamhoi kipi

GUWAHATI, Paipai 3: Kedamtang ni thom angbong Assam along Trinamool Congress ameiphi lapen West Bengal a chief minister Mamata Banerjee aphuthak ke-ongdung alamhoi pabondet aphi laso alar kachihuiji aphan pura Assam a chief minister Sarbananda Sonowal aphuthak ta Trinamool Congress MP, MLA atum lahoi kipi. Assam along kedovoi NRC final draft list pangdak det aphi Mamata Banerjeee kejalin Trinamool Congress atum laso aphuthak hur kapacho lapen kapachethangthap aratchari klem lo. Laso aphuthak Assam along kaprek-kaprek atum chief minister Mamata Banerjee aphuthak ke-ongdung alamhoi pilo. Setame Paipai hini arni Silchar along kapadoji amai along kachetong dunji aphan kevang bang 8 Trinamool Congress MP pen MLA atum aphan Silchar Airport alongsi Assam police atum khangthiplo lapen Paipai 3 arni alanglitum aphan puthot toithu juilo. Alanglitum Silchar pen chiruijui aphi aronre pen nangkekhang lapen aduk nangkanghoi pusi MP Kakoli Ghose pen MLA Mohuwa Moutroy atum Dumdum Airport police station along lamhoi pi lo. Halapu Alipur Duar police station alongta MLA Mohuwa Moutroy lamhoi kipidam. Lapuson lamhoi kipi aphuthak ke ratchari alar kachihui pusi Assam arat atum kehot. Assam along kedovoi NRC asai aphan Bengali aphuthak bidi kanglim pu angthek kapaklangji aphan kabor-i bom Trinamool Congress aratchari aphan Assam arat pinrem.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives