ADVERTISEMENT

This area is available for advertisement. Please contact for details.

Arnivang
Get Adobe Flash player

Saiphu-saikhi atum asai kethekthe ajoksi ajahak boche barim amen klang dunde detlo: ADSU, AAHSU, AIK, SAAJYCP, AAGMDJP

DIPHU, Paipai 3: Bang 855 apran kedamnang atum vi kereng kachipi alar kijutsi Assam boche barim arat atum penang an aning kachethe NRC final draft list kapangdak thek aphuthak All Dimasa Students Union (ADSDU), All India Karbi Students Association (AIKSA), All Assam Hajong Students Association (AAHSA), All Assam Goria-Moria-Deshi Jatiya Parishad (AAGMDJP), All Deuri Students Association (ADSA), All Assam Madahi Janajati Students Association (AAMJSA), All Assam Sonowal Kachari Students Union (AASKSU) lapen Assam Jatiyatabadi Yuva Chatra Parishad (AJYCP) atum kurvangthu pajir. Pachetak aloh pen alanglitum labangso NRC final draft list kapangdak thek aphuthak kuravangthu pajirsi Assam along boche barim atum amethang ajakong kacheraikomji aphan isi ajakong chelonglo lapen lapu-an arni pen ratchari asong atum aronre angtan asor atum amen pen ratchari ale kacho en-i an asonta jutkok lo. NRC final draft list along bang 40 lakh amonit amen klang dunde det abangke aprang pen kahonthe bom atengsi isi kroi meme asonlo setame laso angbong penang an boche barim atum amen keklang dunde det abangke isi matha meme pusi pachetak. Alanglitum kapachetak thuke kopai kelangno pen Dimasa, Karbi, Hajong, Goria-Marai pen danglok penang an boche barim atum NRC along amen kave dundet atheke alanglitum document heihui along kopene kechokche dokok tahai setame penang an ahin ke boche barim atum aphuthak kachinine mate ardi kipiji aphan aning kehanghe ongdung saiphu-saikhi atum ajoinesi boche barim atum amen NRC along klang dunde detlo. Lasi prapjin lapen thang pasungse pin pen puthot amen kave khei barim amonit atum aphan NRC along amen thap pon nangji pusi alanglitum hang.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives