ADVERTISEMENT

This area is available for advertisement. Please contact for details.

Arnivang
Get Adobe Flash player

Grenade pen katengkheng; bang hini CRPF areng keso

Anantnag, Paipai 3: Pini Jammu and Kashmir, Anantnag alongri arlo Lal Chowk asanchom State Bank of India branch along sai ketang CRPF saikhi atum aphan klempar asong atum grenade kevar ajok abng hini CRPF saikhi areng keso dolo.
Kangbop adim raikom saikhi chekom damsi kiri tarlip asai deng lo lapen areng keso atum aphan hospital seh kelang aphan pondet lo.
Pini lethot Shopian alongri arlo Karpan asanchom along kedo Jammu and Kashmir Bank branch along klempar atum damsi tangka inghu dam. Laso ahut bank along kedo private security guard arideng pen 12 bore rifle ta thi pon jok. laso alam aphuthak police tarlip bom lang.
Longri arlo klempar asai alam keklang inglum o lo. Paipai 2 arni ta Anantnag, Brakpora along kedo Jammu and Kashmir Bank along security guard arideng pen 12 bore rifle thipon jok. Son thakthak Paipai 1 arni Kulgam alongri arlo ta lason alam do.
Kedamtang Jakhong 31 arni ta bang kethom bang pli doji klempar atum Kupwara alongri arlo Maidanpora asanchom Kandahar along sai ketang raikom saikhi atum aphan tengkheng dunsi INSAS rifle thi ponjok.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives