ADVERTISEMENT

This area is available for advertisement. Please contact for details.

Arnivang
Get Adobe Flash player

Drafting committee along kaponji aphan hamphang asong 24 pen bang 18 amen CEM arideng kapajir

CemDiphu, Paipai 3: Hamphang asong 24 atum pen 9/2017 PIL kipi ateng Guwahati High Court Jakhong 13 arni lamrai pilo. Lamrai ateng Council atum chiklo jon trok angbong Council kilik aron selam nangpo pusi high court pen lamtoi pi lo.
HC alamtoi ateng Council atum kilik aron kacheselamji aphan pusi drafting committee seng lo, seta laso a committee sixth schedule aron ateng kali pusi hamphang asong 24 atum jong dun. Athe laso committee along inglong aso kali det advocate Jayanta Chetia pen Advocate B.K Mishra atum aphan drafting committee along klembangphu kepon ke sixth schedule aron karkan lo. La-an chot kali MLA Dr. Mansing Rongpi aphanta chairman pek un-eh athe alangli ke Council amonit kali, lasi alangliphan bangphu ansi ponchot nangji. Laso alar Council a chairman kalite Deputy Chairman aphansi drafting committee a chairman pek nangji pusi hamphang asong 24 atum hang.
La-an chot kali hamphang asong 24 atum sixth schedule apharman kachesong lapen PIL kipi ajoksi lapuson apor keme kelong. Lasi netum hamphang asong 24 angbong pen kado kave bang 18 atum aphan drafting committee along bangphu nang pon nangji puta hamphang asong 24 atum hang.
Laso ateng pini Hamphang asong 24 atum kaprek-kaprek alamthe jong dunsi hamphang asong 24 angbong komat aphansi drafting committee along kepon nangjima amen chethon dam lo.
Hamphang asong 24 angbong bidisar J.I Kathar IAS (Retd), Ratan Terang, Rajesh Tisso, Dhansing Ronghang, Dhormosing Teron, Semson Teron, Angtong Ingti Kathar, Jonasing Terang, Babusing Ronghang, Bidya Killing, Klirdap Terang Dili, Pranjal Kro, Dhoromsing Ronghang, Sonju Tokbi, Avinash Ronghang, Tongthang Touthang, Dr. Motilal Nunisa lapen advocate Abi Rengma atum aphan pon nangji pusi CEM along amen pale dam lo.
Laso ahut hamphang asong 24 lapen KAAC CEM Tuliram Ronghang angbong penang an ajir kiding chingki-chethan. Laso ahut hamphang asong 24 atum kehang ateng kaselam tang a drafting committee kelang thuji mate kelarthu pruiji aphan CEM Tuliram Ronghang chechak lo pusi hamphang asong 24 atum pherangke pen kachingki ahut than.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives