ADVERTISEMENT

This area is available for advertisement. Please contact for details.

Arnivang
Get Adobe Flash player

Digen Phangcho arong kachevoi aphuthak ASDC DTAC ningduk kachipi

Diphu, Paipai 3: ASDC Diphu Town Area along keklem kachepaduk aklembang barim lapen ASDC central cell aklembang barim Digen Phangcho men-men arong kachevoi jui aphuthak ASDC Diphu Town Area Committee atum ningduk chepaklang.
Kt. Digen Phangcho kedamtang 1958 aningkansi pirthe hache lo, alangli amethang arong Okkereng pensi loh kacharli pangcheng lo. Laso aphi Kampur pensi alangli HSLC lapen HSSLC angdeng asatlang chepa-un lo. Alangli BA angdeng Diphu Government College pensi chepa-un lo.
Alangli hen lo Langpi Dehangi Rural Bank along officer keman dun cheng bangphu lo. Co-operative asaikam aphanta alangli ot thip abanglo.
Ningduk kachipi ahut ASDC Diphu Town Area Committee atum pen akarjong chom rongme kerap dun pame thekji aphan arnam ahirjume hang pi dun lo. Laso aphi ningduk pen kedo ahem asor atum apharmanta hirjume hang pi lo pusi ASDC Diphu Town Area Committee ameiphu Bidor Sing Kro birta nang pale. 

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives