ADVERTISEMENT

This area is available for advertisement. Please contact for details.

Arnivang
Get Adobe Flash player

Kumbhirgram Airport along Trinamool Congress jabang pen Assam police angbong kacharvo

TMC assaulted APGUWAHATI, Paipai 2: Pini Cachar district Kumbhirgram airport along Trinamool Congress ajahak jabang pen police angbong charvo dut lo. NRC final draft list pangdak det aphi Trinamool Congress ameiphi lapen West Bengal chief minister Mamata Benarjee kapinkhat ateng pen Silchar along kevang bang 8 Trinamool Congress jabang atum aphan Assam police atum airport VIP lounge along khang cheklo.
Trinamool Congress bang trok MP atum kechengsi Delhi arongsopi pen porphai isira achitim apor Kumbhirgram airport along nanglelo. Laso aphi puthot minister Firhad Hekim pen MLA Mohuwa Mitra atumta arnikangsam porphai 3:30
apor  airport along nanglelo. Setame alanglitum aphan nahokta pacheterek longle detlo. Kechengsi nangkele MP abitung atum airport pen angtan kedamji aphan bor-i lo setame police pen chetengkheng nangkok lo. Jongdame Paipia isi aningve district administration atum IPC 144 section ateng pen NRC pen kacherap kave madu aphanta district arlo kapalutle detji aphan pangdaklo. Kachini dun atengke Trinamool Congress jabang abitung atum Paipai 3 arni Guwahati arongsopi along kethek-kere abangphu-bangphi atum aphan kachetongji alam do lapen pini chief minister Mamata Banerjee abang ta BJP pen kachedanji aphan opposition asong atum pen Delhi arongsopi along kachingvai amai pangni lo. Trinamool Congress a MP Sukhendu Sekhar Rai kapachini atengke alanglitum chiruire lapen airport alongsi ajo sangji lapen ihin anatthu pen birta kelong dun atengke Paipai 3 arni chief minister Mamata Banerjee Kumbhigram airport along nangkisunji alam longdun lapen pini nangkisun Trinamool Congress jabang abitung atum aphan Silchar circuit house alongsi anarlo a-an pilo lapen laso aphi alanglitum aphan Kolkata toipo.
Non amatke Assam chief minister Sarbananda Sonowal Dispur along police asaiphu atum pen kachingvai amai pangni lo. Kachingvai ahut aron-atang kekroiji aphan sodak hukum pilo. Kumbhirgram airport along alamki aphuthak ADGP Saikia kaningje ke aron ateng pen nangkroi dunde pulote police chechakche pu ningjesi Kumbhirgram along Trinamool Congress jabang atum pen Assam police angbong kachetengkheng ahut inut so-arlo police areng sonang lo pusi ningje.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives