ADVERTISEMENT

This area is available for advertisement. Please contact for details.

Arnivang
Get Adobe Flash player

Dhansiri langroi lang kethe aphongtin Karbi Anglong alongle kanahok

Dhansiri River floodedDiphu, Paipai 2: Bokajan Sub Division angkang No. 23 Bokajan pen No. 24 Deopani MAC Constituency arlo kiliput Dhansiri alangroi aningkan vang lang kethe aphongtin Karbi Anglong along ingrai dunsi Golaghat district anatthu longle pakam lo.
Karbi Anglong pen Golaghat, LA hini adak isi nongnam kachethang klong Dhansiri alangroi krongputsi Bokajan pen Deopani hini constituency krongponput lo.
Lasonsi aningkan vang Barla apor arve jang lote lang kethe ahut laso alongroi alang kethe akor kethetan ajok ningkan vangta longle kanglem ahir tanpik pen Karbi Anglong alongle ahap-pre ahap-pre inglem ver lo. Laso akisung alam ke nonhet pen kalilo, Karbi Anglong anatthu kedo dun Dhansiri alangroi akung atum aningkan vangta longle kanglem ahut asok katiki tang asai heihui kanahok do lo. La-an chot kali hem-rit aphanta kanahok thedung ke aningkan vangta do.
KAAC flood control asaikam pen sai deng bom lo seta ahir kangtangrak adim amokha malomsi ardi kipichot ajok nonputa laso akisung pen jok un-eh detsi kethek long.
Lasi laso akisung pen kapajok pameji aphan Karbi Anglong akethe-kiding KAAC kachari MAC, EM, CEM lapen HAD minister, MLA, MP atum angbong kachingvai ra mesen asai deng nangji. Khatkhati, Bokajan lapen Deopani angton pen boulder pitching asai dengsi Dhansiri alangroi lang kethe ahut longle kanglem khang nangji. Jongsi prapjin pen sai dengde pulote lapusonsi aningkan vangta adang kethe alongle langroi along lidun et pen Karbi Anglong alongle panahok bom po.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives