ADVERTISEMENT

This area is available for advertisement. Please contact for details.

Arnivang
Get Adobe Flash player

Mexico plane kachingkoi along kopai keme kithi inut ta ave

DURANGO, Paipai 1: Northern Mexicoc anat pini temon herai keklo ajok aeroplane kachingkoi. Plane kangjar ahutsi meh kecho pusi airline saiphu pen kachethap dun atum kethan.
Plane kangjar kecheng ahut keprekjek do lapen ke chingkoi phit lo pusi arlo kachethap dun inut Durango Governor Jose Rosas, Milenio television channel aphan kethen.
Plane kachingkoi pen ongdung atum areng keso dolo. Mehhi kapangpong-ik a plane pen latum nangbarsi plane kachingkoi pen apran kedam ke inut ta avelang. Kethak dun long atum kethan atengke areng keso atum bang 80 doji pusi pu.
Laso a plane arlo kachethap dun bang 97 lapen crew member abng pli do. Mexico City kedamji aphan Durango pensi kangjar kecheng ahutsi meh kecho. Arnikangsam 4:00 pm (2100 GMT) aporsi laso alam keklang pusi Transport Minister Gerardo Ruiz Esparza pangdak.
Emergency services, army lapen Red Cross atumsi kerap asai deng lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives