ADVERTISEMENT

This area is available for advertisement. Please contact for details.

Arnivang
Get Adobe Flash player

MAC bang kethom aphan Court Case kipi

Sixth Schedule aron karkan pen 2017 KAAC kilik ahut BJP pen MAC kehai dun Madhuriya Dhekial Phukan pen Mukut Mahanta atum aphuthak Diphu Judicial Court along lapen Pawan Kumar Rai aphuthak Gauhati High Court along lamhoi kipi pen isi thetan kacheteverji angring dolo. Athe sixth schedule aron ateng pulote ladak vote kejokji aphan ta kedobarim kali lepute jok longle. La an tangdet le kilik along karjap dun ke heloving alam lo. Alam ta ahok lo ha 1951 aningkan district chelong pen 1952 aningkan Council nang long det aphi ke kapaphihup akhei inglong aso aphan keraiji aphansi bangso akerai bilo, seta kedamtang Karbi lapen inglong aso ajabang atum kachechar kangdaihop ajoksi pini methang adim ta jakong kachingboji ahin dambom tang lo. Non laso atemon nang kejap ke 24+ hamphang asong atum Council kilik along vote kejok lapen karjap ajakong kangbo aphuthak Gauhati High Court along lamhoi pi pen jakong kachelongji aphan isi thetan ningkethe ajok pen khei aphan kachinghon atum aning rung lo. Court aphan aning kachethe pen aning kirung ajok la bang kethom aphuthak lamhoi pilo, seta non kelangdam nangji abang ke bangso a case pi chemanji? Neli kamatha ateng pulote kethenai alam ke lawyer atum ko ansi chedan thekji aphuthaksi paklongji, seta kehaiji aphan ke ning the meme ke kali athe Council along non kedobom aron pensi Court along ke ingsaiji. Non kedobom aron jongsi paklongji pulote MAC bang kethom aphan kaparemji ke sungchetji. Lasi lake ko an ma ili kachenep a lawyer kangtang, bangso aphuthaksi paklongji. Seta la bang kethom atum hai det pulote court along isi thetan kapaklang (instance) pu abang ke dokok po lapen mo aphi aphan isi thetan akisung doji. Laso along kehatdunji aphan ke non high court pen 24+ atum a case pensi kacherap dopo seta lata nonsi Council asor aron thikbom lang lapen laso aron court pen dengdet aphi ansi angthek klangji. Lasi laso aphan jongsi chiki dam pulote a case abang vung padingbom pen apor padambom amat halaso aphan pachetokdun pin anchot lo. Seta lawyer jongsi mesen pulote kehaiji angring ta do seta lawyer abang ingtangrak nangji.
Non bangso a case along jongsi lamhoi kipi atum haidet pulote kevangji eprang aphan mesenji, seta non la case kethom pen hini ke Diphu court along pinak apot hai seta hala high court a case abangsi paklongrong po. Jongsi lower court along kipi atum le hai det lapen high court along lamhoi kipi abang remdet pulote mo la bang hini kerem atum ta high court along chepon po. Lasonsi lower court along lamhoi kipi atum hai un eh set high court along lamhoi kipi abang hai det pulote mesen po. Lasi aber a court abang mo high aphan ta kachisikmeksi keme. Lasi non bangso along jongsi kado kave arat cherap dun pulote angthek mesenji.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives