ADVERTISEMENT

This area is available for advertisement. Please contact for details.

Arnivang
Get Adobe Flash player

NRC amen pen Mamata Benarjee khei angbong lamki kevanji meme alam kaningjeje detji aphan AAGMYCP kipu

GUWAHATI, Jakhong 31: NRC final draft list aphuthak state coordinator Pratik Hazela pen danglok bang 50,000 sose chokamar atum kacherap dun pen kapachun thek aphuthak All Assam Gorita-Moriya Yuva-Chatra Parisad (AAGMYCP) kachoro lapen kurvangthu pajir. Supreme Court a judge justice Ranjan Gogoi, justice Rohinton Pholi Nariman, AASU lapen APW ameiphu Abhijit Sarma aphanta AAGMYCP kachoro pajir. Parisad ameiphu Ashrof Ali pachetak aloh pen birta kapangda ke, NRC along kacherapdun a chokamar atum methang asai ingthirjir pen keklem-kedam kachepaduk ajoinesi final druft list pangdak longlo setame West Bengal a chief minister Mamata Benarjee Bengali-Bihari katerekji aphansi NRC asai keklem pu isi khei angbong lamki kevanji meme alam kaningje aphuthak sodak pinrem lo. NRC ke khei keraikom isi asimbon lo, ladak amen kave dundet atumta kamatha chepasung nangne pu Assam chief minister aphong-aphong ningje lo. Bonta Bengal a chief minister Mamata Benarji ke khei angbong lamki kevanji aphansi kabor- i lo. Lasi mo nonphi lapuson alam kaningjeje detji aphansi sodak pen ther lapen lapuson lamki kevanji meme alam along manghu dun nangne pusi pachetak aloh pen kado kave atum aphan AAGMYCP choningri. Halapu Assam Pradesh Congress Committee ameiphu lapen MP Ripun Bora ta NRC aphan kurvangthu kapajir dunji alar NRC draft list aphuthak ning kangsamse kachepaklang aphuthak ta AAGMYCP sodak pinremsi NRC along bang 40 lakh sose amonit atum amen ave det pulote Congress atum vote bank ave detpo pu kamatha kisung pensi isi kangthilim NRC kapangdak chokche pusi patin dun lo. Lasi NRC amen pen maduta ratchari pathu nangne puta alanglitum pachetak aloh pen kipu paso.

Leave a Reply

Your email address will not be published. Required fields are marked *

August 2018
M T W T F S S
« Jul    
 12345
6789101112
13141516171819
20212223242526
2728293031  
Archives