ADVERTISEMENT

This area is available for advertisement. Please contact for details.

Arnivang
Get Adobe Flash player

Sanskrit Board asatlang: Mobile, kitap otkrai pensi satlang ketok

IMG-20180728-WA0064BAKALIA, Jakhong 29: Kedamtang Vosik 17 arni pen pen kecheng Sankskrit Board asatlang amen pen Rongkut along kedo isi examination centre alongke kachonghu (Cheating) ahithi pinchong detlo. Laso asatlang lake pado nangji pu anchot lo. Ongdung adalal atum akerap lapen abarim thanbang atum abe kidun pensi laso a centre along satlang ketok amen pen inghu aret lo. Kamini Sarkar girls high school examination centre along authority atum abe kidun ajoinesi ketokdun abangphu bangphi atum thekprong satlang ketok inghu longpoplo.
Ongdung hadak kedo arat atum akoi kevan ateng pen Jakhong 28 arni adap apor pherangke abetung atum halaso examination centre along humri damlo. Laso ahut satlang ketokdun abangphu bangphi atum mobile lapen kitap otkrai pensi toklo. Kamini Sarkar girls high school authority atum kapachini atengke, laso examination centre along non ephongke ketokdun aphai pangrum pet bang 812 setame kele kedokok ajok thaksi Rongkut high school alongta satlang patok lo. La palongni centre alongta satlang ketok kelang chari dun atum athengno amatsi ketok dun abangphu bangphi atum lapuson aronre pensi santlang ingnilo. Rongkut examination centre along chot kali examination centre angtan tovar ari alongta thoila chilimsi kitap otkrai pen satlang ketok atumta do. La anchot ta kali Kamini Sarkar high school examination centre along kilut ahut ongdung ketokdun abangphu bangphi atumke mobile ot krai pensi satlang toklo.  Halapu Jakhong 28 arni pherangke abetung kahumri dam ahut palongni examination centre alongta external abang ave detlo.
Pinpurme kedamtang aningkanta lapusonsi ketokdun abangphu bangphi atum lason asai klemlo setame kemanghu dam meme alam abangke laso centre aphan arpu kedo atum thang asai dengde detlo. Laso ajoine piningkanta lapuson cheplang longpoplo lasi arpu kedo atum laso centre along aronre keklem aphuthak sodak ingsai nangji pusi hadak arat hang.

Leave a Reply

Your email address will not be published. Required fields are marked *

July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives