ADVERTISEMENT

This area is available for advertisement. Please contact for details.

Arnivang
Get Adobe Flash player

Journalist Health Welfare Scheme pen bang 30 pherangke atum aphan sika lakh 12 ra suri 30 atangka pajirpo

GUWAHATI, Jakhong 26: Information & Public Relation asaikam ahin pen pherangke atum aphan kerapji aphan pura kedeng a scheme lake Journalist Health Welfare Scheme (JHWS) pen Assam along kaprek-kaprek adim pen bang 30 pherangke lapen ahem asor atum aphan se kelang ahin kerapji aphan sika 12 lakh ra suri thongkep atangka kapajirji aphan denglo. Pini Janata Bhavan along Information & Public Relation asaikam conference hall along Additional Chief Secretary Kumar Sonjoy Krishna kachepahemphu amai alongsi laso alam pangdak lo. Mai along Information & Public Relation asaikam director Rajib Prakash Baruah ahin pen Journalist Health Welfare Scheme aphuthak klardak pen pachinisi laso scheme ateng pen non amatke bang 150 pherangke lapen ahem asor atum ale longlo anparta financial aid. Pen non amatke sika 69.35 lakh atangka lotanglo. Pini kapangni amai along pangrum pet hum 34  Medical related application  lapen se kelang kapadam pen kipi nangji aphuthak ta klardak pen chingvaisi lang tarlip pameka pen bang 30 pherangke lapen ahem asor se kelang ahin tangka kerapji aphan denglo. Assam along pherangke abarim bang hini Pronoy Bordoloy pen Ajit Sarma atum laso scheme kedengji aphan ratpangri ahin pen keseng a committee along klembang arpu dodunsi pini kachingvai amai alongta chetong dunlo. Additional Director Health Rajib Kumar Sarma chetong dunsi kachoningri dun pherangke atum se kelang ahin kacherap aloh heihui (document) lang tarlip.

Leave a Reply

Your email address will not be published. Required fields are marked *

BREAKING NEWS
July 2018
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives